Trajneri Konte, kundër Napolit nesër në mbrëmje, mund të mbështetet tek ata lojtarë që e kanë fituar në të kaluarën trofeun

Kupa e Italisë numër dhjetë është aty, shumë afër. Mbetet vetëm mes Napolit dhe Juventusit dhe yllit të argjendtë. Kanë kaluar 17 vite nga suksesi i fundit bardhezi: sezoni 1994-95, ndeshje me vajtje-ardhje kundër Parmës, 1-0 në Torino dhe 2-0 në transfertë me Porinin në gol në të dy ndeshjet.

Ishin Antonio Konte (në fushë në minutat e fundit të ndeshjes së kthimit) dhe Del Piero, 20 vjeç në atë kohë. Me ata, edhe Çiro Ferrara, që në karrierë e ka fituar trofeun me fanellën e Napolit dhe Juventusit.

ATA TË DY IA KANË DALË Vetëm tre lojtarë të Juventusit sot  kanë luajtur dhe kanë fituar një finale në Kupën e Italisë: bëhet fjalë për Bufonin, Vuçiniçin dhe Likshtejnerin, por nesër në mbrëmje Xhixhi (që ka fituar në 1999 kupën, kur luante me Parmën) do t’ia lërë portën e tij Storarit.

Praktikisht të sigurt për një vend në formacion dy të tjerët, që triumfuan pikërisht në “Olimpiko”, në shtëpi, por në dy ekipet rivale. Kampioni malazez ka ngritur trofeun në 2008-ën: luante te Roma që ka fituar 2-1 me Interin e Roberto Mançinit; gola të Meksesit dhe Perrotës (dhe i riu Pele për zikaltrit). Vitin pasardhës i ka takuar lacialit Likshtejner të gëzojë: fitore bardhekaltër (Delio Rosi trajner) me penallti kundër Sampdorias, me zviceranin që ka qenë i saktë nga pika e bardhë.

Vuçiniç ka qenë në listë edhe në Kupën e Italisë të parë të epokës Spaleti, maj 2007-të, por në asnjë nga dy finalet (6-2 për Romën në takimin e parë dhe 2-1 për Interin në Milano) nuk ka gjetur vend. Të njëjtin fat që ka pasur Pirlo në sezonin 2002-2003: ka parë të triumfojë Milanin e tij nga stoli, si në fitoren 1-4 në “Olimpiko” edhe në atë 2-2 në “San Siro”.

E KATËRTA PËR MIRKON Gjithsesi, mund të konstatohet si Mirko Vuçiniç është një “specialist” i vërtetë në vitet e fundit: nesër në mbrëmje mund të jetë për herë të katërt në listën zyrtare të një finaleje të Kupës së Italisë, sepse përveç atyre të përmendura, i duhet shtuar finalja e 2010-ës, e humbur 1-0 (gol i Militos) kundër Interit të Mourinjos, ai i “tripletës” historike. Dhe atëherë pritet të shikojmë një Mirko të uritur dhe të motivuar në nivelet maksimale: është në kërkim të golit të dhjetë sezonal.

NË SHIFRA Një akt final tek i cili Juventusi shkon për herën e 14-të, një rekord absolut: deri tani nëntë fitore, si Roma. Për herën e shtatë, më pas, kupa do të luhet me një ndeshje të vetme: për momentin, katër fitore (1958-59, 1959-60, 1964-65 dhe 1978-79) dhe një humbje (1972-73 me penallti kundër Milanit). Shqetësuese vetëm e dhëna e fundit: bardhezinjtë kanë humbur në dy finalet e mëparshme, kundër Parmës (2002) dhe Lacios (2004). 

• Tweet This
• Share on Facebook
• Digg This
• Save to delicious
• Stumble it
• RSS Feed

Komento

http://www.sportishqiptar.com.al/newsite/2012/05/19/kupa-e-italise-juventusi-i-beson-%E2%80%9Cspecialisteve%E2%80%9D/

Përgatiti: Admir Gremi

Bavarezët dhe londinezët do të diskutojnë titullin europian për klube, pasi eliminuan favoritët Real Madrid dhe Barcelona. Gjermanët shpresojnë te faktori fushë në finalen e Mynihut

Kur shorti për fazat e vonshme të Ligës së Kampionëve krijoi mundësinë për Barcelonën dhe Realin e Madridit, që të përplaseshin bashkë në finalen e Mynihut, shumë pak njerëz do të vendosnin baste për Bajernin e Mynihut dhe Çelsin. Perspektiva për një “El Clasico” ëndrrash, mes dy gjigantëve të futbollit spanjoll në Mynih, u duk më se e parashikueshme, për të mos thënë e paevitueshme.

Por, fitorja me anë të penalltive e klubit gjerman ndaj Realit dhe veprimi heroik në prapavijë i Çelsit ndaj Barcelonës prodhuan një shfaqje intriguese dhe të paparashikueshme në finalen e këtij kompeticioni. Ëndrrat e Bajernit për të ngritur trofeun në shtëpinë e tyre ka qenë në krye të axhendës së tyre, që prej fillimit të sezonit.

Edhe pse manjati rus i Çelsit, Roman Abramoviç, i ka vënë syrin këtij trofeu që kur bleu klubin në 2003-shin, ai e dinte se kishte shumë pak shanse këtë sezon, pasi fushata e tyre ishte tepër e dobët nën drejtimin e Vilas Boasit. Por, pas shkarkimit të tij në mars dhe zëvendësimit nga trajneri i përkohshëm, Roberto di Mateo, sezoni i Çelsit u gjallërua, teksa “blutë” e shohin veten shumë pranë shpalljes kampion Europe, për herë të parë në histori.

Renditja më e ulët – Gjithsesi, ata nuk arritën të rikuperonin mjaftueshëm formën e tyre në kampionat, teksa synimi ishte për 4 vendet e para, por ata përfunduan në vendin e 6-të, pozicionimi më i ulët i tyre në dekadën e fundit, gjë që nënkupton se nëse ata nuk fitojnë sot, atëherë vitin tjetër nuk do të marrin pjesë në Champions.

Kjo është edhe njëra nga arsyet se pse e ardhmja e Di Mateos është ende në dyshim, edhe pse ai u shpreh kështu në konferencën për shtyp para finales: “Nuk mendoj për veten time. Çështja për t’u zgjidhur është fakti që kemi një shans për të sjellë titullin europian në shtëpi, për herë të parë në historinë e klubit, ndaj dhe kjo ka më shumë rëndësi.

Do të futemi në fushë me kualitetin dhe eksperiencën e duhur për ta fituar atë. Personalisht jam i motivuar për të bërë diçka të jashtëzakonshme për këtë klub. Ky do të jetë një shans i vetëm, pa një mundësi të dytë, kështu që duke ditur problemet me dëmtimet dhe pezullimet, kjo më shkakton një dhimbje të fortë koke”.

Çelsi do të jetë pa kapitenin e pezulluar, Xhon Terri, mbrojtësin serb, Branislav Ivanoviç, dhe mesfushorët, Ramires e Raul Meireles. Mbrojtësit, Geri Kahill dhe David Luiz, mund të jenë të gatshëm pas dëmtimeve, por mesfushori, Florent Maluda, është ende në dyshim.

Bajerni ka avantazhin e stadiumit të tij, por vjen në këtë ndeshje pas humbjes 5-2 ndaj Dortmundit në finalen e Kupës së Gjermanisë, teksa ka gjithashtu 3 lojtarë të pezulluar: mbrojtësin, Holger Badshtyber, dhe mesfushorët, David Alaba dhe Luiz Gustavo. Vetëm dy ekipe kanë ngritur trofeun e Kupës së Europës në shtëpi: Reali i Madridit në 1957 dhe Interi në 1965, teksa ekipi i fundit që ka luajtur finalen në shtëpinë e tij ka qenë Roma më 1984, por humbi me penallti ndaj Liverpulit.

Përparim i vazhdueshëm – Nëse rikthehemi në verën e vitit të kaluar, drejtuesit e klubit gjerman u frikësuan për faktin nëse do të arrinin deri në finalen e “Allianz Arena”-s, kur shorti i fazës me grupe i vendosi ata në “grupin e vdekjes” (siç e quajti Karl-Hajnc Rumenige), bashkë me Mançester Sitin, Vilarealin dhe Napolin.

Shumë pak mund të kishin menduar se do të ishin Bajerni dhe Napoli, ekipet që do të avanconin më tej, por bavarezët janë përmirësuar vazhdimisht nën drejtimin e Jup Hejnkesit, fitues i Championsit me Realin e Madridit në 1998, i cili po kalon periudhën e 3-të te gjermanët.

Avancimi nga faza me grupe u duk më i lehtë nga sa ishte menduar, por dëmtimi i Bastian Shvajnshtajger dhe humbja e formës së anësorit, Arjen Roben, ngritën dyshime pas pushimeve dimërore, teksa kampionët e Dortmundit u rikthyen sërish në krye të Bundesligës, duke e lënë Bajernin në vendin e dytë. Megjithatë, problemet në kampionat nuk ndikuan në Ligën e Kampionëve, teksa bavarezët mposhtën 7-1 Bazelin, me rezultat të përgjithshëm, përpara çerekfinaleve.

Më pas, dy fitore nga 2-0 ndaj Marsejës, i siguruan atyre një vend në gjysmëfinale ndaj 9 herë kampionëve të Europës, Real Madrid. “Kemi eliminuar kampionët e Spanjës dhe kampionët e Anglisë”, tha drejtori sportiv i Bajernit, Kristian Nerlinger këtë javë. “Kemi dominuar në këtë kompeticion, ndaj dhe kjo finale errëson gjithçka tjetër”, tha ai, ndërkohë që Bajerni ëndërron për titullin e 5-të europian, në një natë të lavdishme në shtëpinë e tyre.

• Tweet This
• Share on Facebook
• Digg This
• Save to delicious
• Stumble it
• RSS Feed

Komento

http://www.sportishqiptar.com.al/newsite/2012/05/19/bajerni-kunder-celsit-per-finalen-qe-nuk-pritej/

Përgatiti: Arjan Koçi

Ish-gjyqtari italian ka drejtuar finalen e Championsit në vitin 1999, ku Bajerni u mund nga Junajtid, dhe finalen e Kupës së Botës në vitin 2002

Ish-gjyqtari i njohur, Pierluixhi Kolina, ka folur për përvojën e tij në drejtimin e një finaleje të Ligës së Kampioneve, teksa Pedro Proenca përgatitet të drejtojë ndeshjen Çelsi-Bajern Mynih. Kolina, 52 vjeç, ishte personazhi në qendër të ndeshjes finale të sezonit 1999, kur Bajerni u mposht nga Mançester Junajtid në mënyrë shumë dramatike, duke u mundur 2-1 me gola të shënuar në kohë shtesë nga sulmuesit e Mançester Junajtid, Tedi Sheringam dhe Ole Gunar Solskjaer.

Ky gjyqtar ka gjykuar edhe finalen e Kupës së Botës 2002 – një tjetër ditë për t’u harruar për Gjermaninë, pasi skuadra e tyre u mposht nga Brazili. Një tjetër finale e gjykuar nga Kolina ka qenë edhe ajo e Kupës UEFA 2004 si dhe shumë ndeshje të tjera të mëdha në sezonet 1995-2005, prandaj gjyqtari italian është një ekspert i presionit të lartë dhe ambienteve ku qarkullojnë shumë para.

Si përgatitet një gjyqtar për një finale të Ligës së Kampioneve?

Do të thosha se është si çdo ndeshje tjetër sepse ndeshjet janë të gjitha të rëndësishme, por për finalen e Ligës së Kampioneve megjithatë ka më shumë përgatitje dhe kujdes. Është një ndeshje komplekse jo vetëm për rregullat e ndeshjes, interpretimin dhe gjendjen fizike. Ka edhe një aspekt teknik. Gjyqtari duhet t’i njohë skuadrat që luajnë, nga aspekti taktik dhe individual. Ai duhet të njohë mënyrën se si do të zhvillohet loja, që të jetë përherë një hap më përpara.

Nga kjo pikëpamje, një finale e Ligës së Kampioneve është pak më e lehtë sepse gjyqtari mund të ketë gjykuar edhe ndeshje të tjera të skuadrave që luajnë në finale. Nuk është e vështirë të gjesh informacionin e nevojshëm për të lexuar ndeshjen dhe për më shumë UEFA i siguron gjyqtarit materialin e duhur për të shikuar. Në fund është edhe përgatitja mendore, por kjo është personale dhe subjektive për secilin prej gjyqtarëve.

Tifozët luajnë një rol të madh në ndeshje të mëdha. Çfarë influence kanë tifozët e të dyja skuadrave finaliste te gjyqtari?

Gjyqtari është 100% i përqendruar në ndeshje, kështu që gjërat që ndodhin rreth tij nuk kanë absolutisht influencë. Mendoj se mënyra më e mirë për të trajtuar tifozët është të bësh punën tënde natyrshëm, duke u fokusuar në të. Kështu duhet të jetë edhe për lojtarët. Sigurisht, edhe kjo është subjektive, por personalisht për mua nuk kanë pasur asnjë influencë.

Kjo ndeshje do të jetë plot emocione. Luhet për famë dhe shumë para. Si mund ta menaxhojë një gjyqtar këtë presion të madh?

Futbolli në nivelet më të larta është një sport për ‘super-profesionistë’, të cilët kanë shumë interesa, edhe ekonomikë. Gjyqtari ka me të vërtetë një përgjegjësi të madhe dhe duhet të jetë i vetëdijshëm për këtë gjë. Përgatitja dhe përvoja e ndihmojnë të përballet me këtë lloj përgjegjësie. Përgatitja është çelësi i gjithçkaje sepse nëse gjyqtari është shumë i përgatitur, atëherë është i gatshëm të bëjë punën e tij dhe e ka më të lehtë të menaxhojë presionin.

Ju keni qenë gjyqtari i finales së Ligës së Kampioneve në vitin 1999, mes Bajernit të Mynihut dhe Mançester Junajtid. Çfarë mendonit në dy minutat e fundit të asaj ndeshjeje?

Mendoj se kam përjetuar dy minutat më emocionuese të historisë së Ligës së Kampioneve, pasi ata dy gola u shënuan në kohë shtesë dhe përmbysën rezultatin. 

• Tweet This
• Share on Facebook
• Digg This
• Save to delicious
• Stumble it
• RSS Feed

Komento

http://www.sportishqiptar.com.al/newsite/2012/05/19/%E2%80%9Cmjeshtri%E2%80%9D-kolina-ja-si-gjykohet-finalja/